"Бавария" Германия чемпиони!

"Бавария" 34 марта Германия чемпионлигини қўлга киритди.

Бундеслиганинг 32-турида Венсан Компани шогирдлари меҳмонда “Лейпциг” билан дуранг ўйнади (3:3), “Байер” сафарда “Фрайбург” билан очко бўлишиб, 2:2 ўйнади.

Шу тариқа, “Бавария” муддатидан аввал Бундеслига турнир жадвалида биринчи ўринни эгаллади. "Байер" энди икки ўйинда пешқадам билан 8 очколик фарқни тўлдира олмайди.

Қайд этиш жоиз, 34 титул Бундеслига рекорди ҳисобланади. "Нюрнберг"да 9та, "Боруссия Дортмунд"да 8та чемпионлик бор.

Мюнхенликлар сўнгги 13 йил ичида 12 марта Германия чемпиони бўлишди. Ўтган мавсумда "Бавария" "Байер" ва "Штутгарт"дан кейин учинчи ўринни эгаллаганди.