"Барселона" ёки "Реал": Суперкомпьютер Ла Лигада чемпионлик имкониятларини баҳолади

Opta таҳлилчилари Испания Ла Лигасининг жорий мавсумида жамоаларнинг чемпионлик учун имкониятларини баҳолади.

Суперкомпьютер прогнозига кўра, минимал устунлик билан фаворит Каталониянинг "Барселона" клуби бўлиб турибди. Ханс-Дитер Флик шогирдларининг ғалаба қозониш эҳтимоли 46,6 фоизга баҳоланмоқда. Мадриднинг "Реал" клубига келсак, Хаби Алонсо жамоасининг олтин медалларни қўлга киритиш имконияти 46,55 фоизни ташкил этади.

Испания чемпионатида ўтказилган 8 турдан сўнг "қироллик клуби" очколарини 21тага етказиб, пешқадамлик қилмоқда. "Кўк-анорранглилар" 19 очко билан Ла Лигада 2-ўринда бормоқда.