"Барселона" клуби расмий сайтида янгиланган "Камп Ноу" стадионидаги илк ўйиннинг кечиктирилгани ҳақида маълум қилди. Бунга қурилиш ишларига муниципал аралашувни тартибга солувчи қарор талаблари сабаб бўлган. Ушбу талаблар дастлабки рухсатномани олиш учун зарур жараёнларни якунлашга тўсқинлик қилган.
Дастлаб, "кўк-анорранглилар" 10 август куни "Камп Ноу"да Жоан Гампер кубоги учун ўйин ўтказиши режалаштирилган эди.
"Клуб барча талабларни бажариш мақсадида Барселона шаҳар кенгаши ва тегишли ҳокимият органлари билан яқиндан ҳамкорлик қилмоқда. Шунингдек, стадиондан фойдаланишга қайтиш санасига оид ҳар қандай ўзгаришлар ҳақида мухлисларни хабардор қилиб боради," - дейилади Каталония клуби баёнотида.
"Олтин тўп" учун номзодлар рейтингги янгиланди
"Манчестер Сити"га янги мураббий келди
Россия футболидагилар ўзбек футболининг юксалишини ҳазм қила олишмаяпти
