"Барселона" швециялик ҳужумчи учун икки футболчисини қурбон қилишга тайёр

"Барселона" ҳамон Лиссабоннинг "Спортинг" клуби ҳужумчиси Виктор Дьёкерешга қизиқиш билдирмоқда.

"Кўк-анорранглилар" швед учун Европанинг кўплаб грандлари билан кураш олиб боради. El Nacional нашрининг Transfer News Live'га таяниб хабар беришича, каталонияликлар Ферран Торрес ва Рональд Араухони сотиб юборишга тайёр ва бу битимлардан тушган маблағ айнан Дьёкерешнинг трансферига сарфланади.

Transfermarkt портали "Спортинг"нинг 26 ёшли форвардини 75 млн еврога баҳоламоқда, аммо "шерлар" ўз юлдузи учун бироз камроқ талаб қилишса керак.