«Барселона» президенти: «Месси бу ерда бошқа ўйнамайди»

"Барселона" президенти Жоан Лапорта мухлислар Лионель Мессининг клубга футболчи сифатида қайтишини кутмасликлари кераклигини айтди.

Аргентиналик футболчи 2021 йилда "кўк-анорранглилар" сафини тарк этганди. Ўшандан бери кўпчилик юлдуз ҳужумчи фаолиятини якунлашдан олдин қайтишини кутган, аммо бу содир бўлмайдиганга ўхшайди.

"Мессининг футболчи сифатида қайтиши ҳақиқатга тўғри келмайди. Унинг "Интер Майами" билан шартномаси бор. Шуни ҳам инобатга олиш керакки, у 38 ёшда ва клуб бугунги кун ва келажакни кўзлаган ҳолда лойиҳа қурмоқда. Ўтмиш билан яшасанг, ривожланиш тўхтайди," - дея Лапортанинг сўзларини келтиради Barca Universal.

Яқинда Лионел Месси "Интер Майами" билан шартномасини 2028 йил охиригача узайтирди.