"Барселона"ни судга беришди

"Барселона" Жюль Кунде трансфери туфайли судга берилди.

Ҳимоячи 2022 йилда "Севилья"дан Каталония клубига ўтганди. Битимда воситачи сифатида Исаак Лопес иштирок этди.

Бугун агент трансфер учун ўзига тегишли бўлган 3 млн евро миқдоридаги комиссияни тўлаб беришни сўраб, судга мурожаат қилган. Агентнинг таъкидлашича, комиссия шартномада кўрсатилган, аммо у уни олмаган. Лопес судга кўрсатилган хизматнинг исботини тақдим этди.

Қайд этилишича, агентга воситачилик қилиш илтимоси билан "Барселона" президенти Жоан Лапорта мурожаат қилган.