"Барселона" "Камп Ноу" стадионида Personal Seat License бизнес модели бўйича VIP-ўриндиқлар сотилишини эълон қилди.
Бу ҳақда "кўк-анорранглилар"нинг расмий сайти хабар бермоқда.
Шартнома 30 йилга мўлжалланган бўлиб, испан клубига 100 миллион евро олиб келади.
Бироқ, биринчи 475 ўринни айнан ким сотиб олгани номаълумлигича қолмоқда.
Эслатиб ўтамиз, "Барселона" молиявий муаммолар туфайли Дани Ольмо ва Пау Викторни мавсумнинг иккинчи қисмида рўйхатдан ўтказа олмади. Бироқ каталонияликлар барибир суд орқали ўз мақсадига эришдилар.
