«Барселона» Фликка Моуриньо ҳақида гапирмасликни буюрди

«Барселона» раҳбарияти бош мураббий Ханс-Дитер Фликдан Жозе Моуринью ва «Реал» билан боғлиқ мавзуларни муҳокама қилмасликни сўраган.

Diario SPORT хабарига кўра, клуб Фликка Моуриньюнинг Мадриддаги биринчи фаолияти даврида юзага келган можароларни, жумладан, Пеп Гвардиола билан зиддиятлари ва Тито Виланова иштирокидаги машҳур воқеани эслатган.

Клубнинг талаби аниқ бўлган: «Моуринью ёки «Реал» ҳақида бир оғиз ҳам гапирманг».

Флик бу кўрсатмага амал қилишини аллақачон кўрсатди. «Барселона»нинг Ла Лигада «Эльче»га қарши дастлабки ўйини олдидан ундан Моуринью ҳақида сўрашганида, мураббий суҳбат мавзусини дарҳол ўзгартирган.

«Биз эртага «Реал»га қарши ўйнаймизми? Мендан «Эльче» ҳақида сўранг», — деган Флик.

Моуринью «Реал»га қайтганидан кейин «Барселона» ҳақида фикр билдириб улгурди. Флик эса рақобат билан боғлиқ баҳсларга аралашишдан бош тортмоқда ва бу мавқеини ўзгартириши кутилмаяпти.

Келгуси «Эл-Класико»лар олдидан Моуринью ҳақидаги саволлар кўпайиши табиий. «Барселона» эса португалиялик мураббийга янги можаро келтириб чиқариш учун имконият бермасликни истамоқда.