"Барса"нинг икки муҳим футболчиси бугунги ўйинда дам олади

"Барселона" бош мураббийи Ханс-Дитер Флик яқинлашиб келаётган "Лас-Пальмас"га қарши ўйинда кичик ротация ўтказмоқчи.

Ла Лига баҳси бугун бўлиб ўтади, старт ҳуштаги Тошкент вақти билан 01:00 да янграйди.

Marca хабарига кўра, "кўк-анорранглилар" бош мураббийи марказий ҳимоячи Пау Кубарси ва хавбек Гавига дам беришни ўйламоқда. Орадан уч кун ўтиб, "Барселона" Испания Кубогининг дастлабки ярим финалида Мадриднинг "Атлетико" клубига қарши майдонга тушади.