Баҳодир Жалолов кейинги Олимпиадада унинг вазнида ким чемпион бўлиши ҳақида фикр билдирди

Икки карра Олимпия ўйинлари ғолиби Баҳодир Жалолов Париждаги Олимпия ўйинларида олтин медал қўлга киритганидан сўнг эндиликда унинг вазнида ким мусобақаларда иштирок этиши ҳақида гапирди.

"Орқамизда ёш укаларимиз, хусусан Жаҳонгир укамиз бор, (Зокиров таҳрир) унга омад тилаймиз. Укамизга ўзимиз ҳам кўп нарсани ўргатиб, қўллаб-қувватлаб турибмиз. Кейинги Олимпиадада у чемпион бўлади, деб ўйлаяпман. Биз энди оғир вазнни ҳеч кимга бермаслигимиз керак", деди Жалолов.

Баҳодир Жалолов Париж Олимпиадасида ғолиб бўлганидан кейин ҳаваскор боксдаги фаолиятини якунлаганини эълон қилганди.