B5+1 олдидан Тожикистон соғлиқни сақлаш тизимига нисбатан ахборот ҳужуми қайд этилди

WhatsApp орқали Тожикистонда «шифокорлар гуруҳи» уйма-уй юриб инфекция тарқатаётгани, шунингдек, хавотир ҳолати ва ҳарбийларнинг казарма режимига ўтказилгани ҳақида ёлғон аудиохабарлар тарқалди. Республика Соғлиқни сақлаш вазирлиги бу маълумотларни рад этиб, уларни провокация деб атади.

Вазирликка кўра, уйма-уй тиббий кўриклар эмлаш ва ҳомиладор аёлларни кузатиш мақсадида режали тарзда ўтказилади. Кузатувчилар ахборот вбросларини 5–6 февраль кунлари Бишкекда бўлиб ўтадиган «B5+1» бизнес-форуми арафасидаги босим сифатида баҳоламоқда.