Греция мамлакати мезбонлигида ўтаётган спорт курашлари бўйича U17 ёш тоифасидаги жаҳон чемпионатининг аёллар кураши йўналишида Ўзбекистон терма жамоаси тарихий натижа қайд этди.
Жумладан, мусобақанинг сўнгги кунида -40 килограммгача вазн тоифасидаги баҳсларда иштирок этган спортчимиз Шоҳиста Шоназарова олтин медаль учун ўтган беллашувда япониялик Ан Наканишини 11:0 ҳисобида енгди. Натижада аёллар кураши бўйича мамлакатимизда мазкур ёш тоифасида жаҳон чемпиони бўлган илк қизга айланди.
Шу тариқа, аёллар кураши бўйича жаҳон чемпионатида терма жамоамиз биттадан олтин ва кумуш медални қўлга киритди.
Бугун, 2 август куни чемпионатнинг эркин кураш беллашувларида вазни -55 кг. бўлган полвонимиз Абдумалик Жалолиддинов япониялик Жинносуке Оконоги билан финал босқичида рақобатлашади.
АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди
Ер томон учаётган юлдузлараро объект ўзга сайёралик кема бўлиши мумкин
Тошкент бозорларида арзонлаштирилган нархларда гўшт сотилиши бошланди
