“Аввал мамлакатимиз рўйхатда умуман бўлмаган қатор рейтингларда пайдо бўлишни бошладик” — Шерзод Шерматов

Ўзбекистоннинг АйТи хаб сифатидаги ўрни яхшиланиб бормоқда.

Ўзбекистон Республикаси Рақамли технологиялар вазири Шерзод Шерматов ўзининг телеграмдаги саҳифасида маълум қилишича, Ушбу йўналишда барча рейтингларда охирги йилларда Ўзбекистоннинг ўрни ижобий томонга ўзгаряпти ва аввал умуман мамлакатимиз рўйхатда бўлмаган қатор рейтингларда ҳам пайдо бўлишни бошлади.

“Барча соҳамизга тегишли ушбу рейтингларда Ўзбекистон жон бошига даромади деярли бир хил бўлган аксарият давлатлардан юқори жойлашганлиги ҳам халқаро экспертлар томонидан ижобий баҳоланмоқда. Жумладан, бугун Оксфорд Университетида эълон қилинган Тармоқ тайёргарлиги индексида ҳам шу масалага алоҳида эътибор қаратилган.

Шу билан биргаликда бу каби халқаро рейтинглар таҳлили жамоамиз қайси йўналишларда янада кўпроқ ҳаракат қилиши кераклигини кўрсатиб беради ва келгуси режаларимизни тўғри шакллантиришга ёрдам беради”, дейилади хабарда.