Австрияда глобал кун тартибини Ўзбекистон бошлаб берди

1 июнь куни Вена шаҳрида БМТ Жиноятчиликнинг олдини олиш ва жиноий одил судлов комиссиясининг 35-сессияси бўлиб ўтди.

Ушбу нуфузли халқаро анжуманда Президент Администрацияси раҳбари Саида Мирзиёева бошчилигидаги Ўзбекистон делегацияси 175 та давлат ичида биринчи бўлиб Миллий маъруза билан чиқиш қилди.

Саида Мирзиёева Ўзбекистонда одил судлов, аёллар ва болалар ҳуқуқларини ҳимоя қилиш, жиноятчилик профилактикаси ҳамда ёшларни қўллаб-қувватлаш борасида амалга оширилаётган ишлар юзасидан нутқ сўзлади.