Мамлакатнинг энг кўп мукофотланган аскари, 47 ёшли Бен Робертс-Смит 2009–2012 йиллар давомида Афғонистонда беш нафар тинч аҳолини ўлдирганликда айбланмоқда. Шу ҳафта гаров эвазига озодликка чиққан собиқ капрал ўз хизмати билан фахрланишини ва барча айбловларни қатъий рад этишини билдирди. Унинг таъкидлашича, Афғонистондаги ҳаракатлари ҳар доим жанговар қоидалар доирасида бўлган ва у суд орқали ўз номини оқлаш ниятида.
Полициянинг даъво қилишича, қурбонлар ўлдирилган вақтда австралиялик ҳарбийлар назоратида бўлган ва ҳеч қандай қаршилик кўрсатмаган. Эслатиб ўтамиз, 2023 йилда Робертс-Смит оммавий ахборот воситаларига қарши очган туҳмат бўйича суд ишида ютқазиб қўйган эди; ўшанда суд унинг тўрт нафар афғон фуқароси ўлимига алоқадорлиги ҳақидаги далилларни асосли деб топганди. Ҳозирда унга нисбатан қўйилган айбловлар бўйича умрбод қамоқ жазоси хавф солмоқда.
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
Лионель Месси Каталония клубини сотиб олди
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
