Авиакомпаниялар ҳусийларнинг ракета ҳужумидан сўнг Исроилга парвозларни тўхтатмоқда

Авиакомпаниялар ҳусийларнинг ракета ҳужумидан сўнг Исроилга парвозларни тўхтатмоқда.

Lufthansa Airlines, Swiss, Austrian Airlines, Brussels Airlines, Eurowings, United Airlines, ITA, Air France, Brussels Airlines, Air India, Air Canada, TUS Airways, Transavia, Air Europa ва WizzAir авиакомпаниялари Исроилга якшанба кунги парвозларни бекор қилинганини эълон қилган. Авиакомпаниялар, шунингдек, Исроил орқали парвозларни ҳам тўхтатишди.

Маълум қилинишича, Air India авиакомпаниясининг Деҳлидан учган рейси Иордания устидан Деҳлига қайтган, Transavia рейси эса Исроилга қўнишидан ярим соат олдин Родосга йўналтирилган.

Исроил оммавий ахборот воситалари маълумотларига кўра, Ямандан ҳусийлар томонидан учирилган баллистик ракета аэропортнинг 3-терминалига олиб борувчи йўлдан ўнлаб метр узоқликда қулаган.