Сурия пойтахти Дамашқ чеккасида ўтказилган амалиёт чоғида ағдарилган Башар ал-Ассад режими қамоқхоналарида маҳбусларни қийноққа солишда иштирок этган Шоди Одил Маҳфуз қўлга олинди.
Маҳфуз ағдарилган тузумнинг "қийноқ марказлари"дан бири ҳисобланган 277-ҳарбий разведка бўлимида ишлаган.
Бу ҳақда Суриянинг расмий SANA ахборот агентлиги хабар берди.
Маълумотларга кўра, қўлга олинган шахс бўлинма номидан жангчиларни ёллаган ва ҳарбий жиноятлар содир этишда иштирок этган.
Бундан ташқари, Маҳфуз "тугатилган режим қолдиқлари" билан бирга мамлакатнинг қирғоқбўйи минтақасида Сурия хавфсизлик кучлари ва ҳарбий хизматчиларга қарши сўнгги ҳужумларда иштирок этган.
Керакли ҳуқуқий тартиб-қоидалар бажарилгач, Маҳфуз судга келади.
"Манчестер Сити" ўзининг инстаграмдаги саҳифасида ЎФАга кескин мурожаат йўллади
Хонанда Феруза Каримова 40 млн сўмдан зиёд жарима тўлайдиган бўлди
Украина самолётлари Россиядаги бошқарув пунктини йўқ қилди
