«Арсенал» ва Австрия термаси собиқ футболчиси фожиали тарзда вафот этди

«Арсенал» ва «Ювентус» нинг собиқ дарвозабони Александр Маннингер поезд ҳалокатида вафот этди.

Австрия терма жамоасининг собиқ дарвозабони Александр Маннингер 16 апрел куни эрталаб поезд ҳалокатида вафот этди. Tutto Mercato Web хабарига кўра, бахтсиз ҳодиса маҳаллий вақт билан соат 8:40 атрофида Австриянинг Нуссдорф ам Ҳаунсберг шаҳридаги назоратсиз темир йўл кесишмасида содир бўлган.

Полиция маълумотларига кўра, 48 ёшли собиқ дарвозабоннинг машинаси тўғридан-тўғри яқинлашиб келаётган поезд олдида кесишмани кесиб ўтган. Поезд машинани бир неча метргача судраб борган.

Машинист ва тахминан 25 йўловчи жароҳат олмаган.