"Арсенал" суперҳужумчи билан шартнома имзолади

Ҳужумчи Виктор Дьёкереш "Спортинг"дан "Арсенал"га ўтди.

Аввалроқ, "Арсенал" Швеция терма жамоасининг 27 ёшли форварди учун "Спортинг"га 63,5 миллион евро тўлаши маълум бўлганди. Яна 10 млн бонус сифатида кўзда тутилган.

Виктор Португалияда икки мавсум ўтказди ва иккала марта ҳам чемпионатнинг энг яхши тўпурари бўлди - у мос равишда 29 ва 39 та гол урди.

Ҳаммаси бўлиб, "Спортинг" сафида барча турнирларда 102 та ўйинда Дьёкереш 97 та гол урган.