Аргентина ҳукумати Россияни дезинформация билан шуғулланган ва маҳаллий нодавлат ташкилотларга таъсир ўтказган агентлар тармоғини яратишда айблади. Бу ҳақда ҳукумат расмий вакили Мануэл Адорни маълум қилди.
Аргентина разведкаси маълумотларига кўра, бу фаолиятда асосий ролни Аргентинада турмуш ўртоғи Ирина Яковенко билан бирга яшовчи РФ фуқароси Лев Андриашвили ижро қилган.
Таъкидланишича, тармоқ "Лахта" лойиҳаси билан боғлиқ бўлган - "Вагнер" ХҲКнинг марҳум раҳбари Евгений Пригожин билан боғланган тузилма. Айнан "Лахт" АҚШ томонидан 2018 йилдаёқ ахборот операцияларини ташкиллаштириш ва ижтимоий тармоқлар орқали сайловларга аралашишда айбланган.
Ҳодисага жавобан Аргентина ҳукумати Федерал қидирув бюросига ўхшаш федерал полиция қошида янги тергов бўлими ташкил этилишини эълон қилди. У чет эл аралашуви, терроризм ва уюшган жиноятчилик билан шуғулланади.
Россия элчихонаси бунга кескин муносабат билдириб, содир бўлаётган воқеаларни "жосуслик" ва Москва ва Буэнос-Айрес ўртасидаги муносабатларни бузишга уриниш деб атади.
