Маҳаллий матбуотнинг хабар беришича, полиция Буенос-Айресда тўқнашувларга айланган норозилик намойишини тарқатиш учун кўздан ёш оқизувчи газ, резина ўқлар ва сув пуркагичлардан фойдаланган. Маълумотларга кўра, камида 20 киши жароҳат олган ва 150 киши ҳибсга олинган.
Норозилик акция Аргентина Миллий Конгресси биноси ёнида бўлиб ўтди ва унда тахминан икки минг киши иштирок этди.
Намойишчиларнинг асосий қисми мамлакат президенти Хавьер Милейнинг қаттиқ иқтисодий сиёсатига қарши чиққан нафақахўрлар эди. Уларга миллий байроқлар ва футболчи Диего Марадонанинг портретларини кўтариб чиққан футбол мухлислари ҳам қўшилди.
Ҳукумат вакилларига кўра, акция иштирокчилари полицияга тошлар, ёруғлик-шовқин гранаталари ва бошқа буюмлар улоқтирган, шунингдек, баррикадалар қуришга ва автомобилларни ёқиб юборишга ҳаракат қилган.
"Турк йигитлари руслардан аёлларини тортиб олмоқда"
Қон тўкишдан завқланадиган шахс яна вазир этиб тайинланди
Хонанда Феруза Каримова 40 млн сўмдан зиёд жарима тўлайдиган бўлди
