Арағчи Эроннинг ядровий дастури бўйича АҚШ билан музокаралар бекор қилинганини рад этди

Эрон ташқи ишлар вазири Аббос Арағчи Теҳроннинг ядровий дастури бўйича АҚШ билан музокаралар бекор қилингани ҳақидаги хабарларни рад этди.

Эрон ташқи ишлар вазири бу ҳақда ўзининг ижтимоий тармоқдаги саҳифасида ёзган.

"Эроннинг ядровий дастури бўйича АҚШ билан музокаралар жума куни, тахминан соат 10:00 да Маскатда бўлиб ўтиши режалаштирилган.

Мен барча зарур чораларни кўргани учун Уммонлик биродарларимизга миннатдорман", деб таъкидлади Арағчи.

Аввалроқ Axios журналисти Барак Равид Уммонда 6 февралга режалаштирилган АҚШ-Эрон музокаралари бекор қилингани ҳақида хабар берган эди.