АҚШнинг Стармерга босими: нега Вашингтон КСИРни тақиқлашни истайди ва Лондон нега қаршилик қиляпти?

2026 йил бошида Буюк Британияда Ислом инқилоби қўриқчилари корпусини (КСИР) террористик ташкилот деб тан олиш масаласи яна кун тартибига чиқди. Бу сафар ташаббус АҚШ томонидан кучли босим билан илгари сурилмоқда. Вашингтон Лондондан КСИРни расман тақиқлашни талаб қиляпти.

АҚШ учун бу қадам амалий эмас, балки сиёсий рамзий аҳамиятга эга. Мақсад — Ғарбнинг Эронга нисбатан якдил позициясини намойиш этиш ва санкциялар архитектурасида «бўшлиқ» қолдирмаслик. Лондон молиявий ва ҳуқуқий марказ сифатида бу ерда ҳал қилувчи ўрин тутади.

Британия ҳукумати эса эҳтиёткор. Амалдаги қонунчилик давлатга қарашли тузилмаларни эмас, нодавлат гуруҳларни тақиқлашга мўлжалланган. КСИР эса Эрон давлат тизимининг бир қисми. Уни тақиқлаш дипломатик оқибатлар, ҳуқуқий муаммолар ва суд даъволарини келтириб чиқариши мумкин.

Бундан ташқари, Кир Стармер ҳукумати АҚШ иродасини сўзсиз бажараётгандек кўринишни истамайди. Лондон таъкидлашича, КСИРга қарши асосий босим воситалари — санкциялар ва молиявий назорат — аллақачон ишлаяпти, тақиқ эса кўпроқ рамзий бўлади.

Энг эҳтимолий сценарий — муросали ечим: Британия КСИРни дарҳол тақиқламайди, аммо давлат ва квазидевлат таҳдидларига қарши янги ҳуқуқий механизм ишлаб чиқишни тезлаштиради. Бу доирада КСИР кейинчалик биринчи нишонга айланиши мумкин.

Масаланинг моҳияти шунда: АҚШ учун бу — иттифоқчилар интизоми ва ташқи сигнал, Британия учун эса — сиёсий суверенитет ва ўз ҳуқуқий мантиғини сақлаб қолиш масаласи.