Трамп CNN, MS NOW ва Politico журналистларини Оқ уйга киритишни таъқиқлагач, АҚШнинг энг йирик телетармоқлари бирдамлик сифатида президент тадбирларини ёритишдан бош тортди.
CNN билан биргаликда Оқ уйнинг телевизион пулига кирувчи Қўшма Штатларнинг тўртта энг йирик телетармоғи Оқ уйда фаолият юритиши рухсат этилмаган телеканалнинг суратга олиш гуруҳини ўрнини алмаштиришдан бош тортди.
"Жамоатчилик ўз ҳукумати ҳақида аниқ ва мустақил маълумот олишдан ўта манфаатдор. Ҳеч қайси маъмурият янгиликлар ташкилоти фаолиятини фақатгина унинг репортажлари ёқмагани учунгина чекламаслиги керак. Бизнинг қароримиз шуни англатадики, умумий телевизион пул Трамп иштирокидаги четлатилган журналистлар ишлаши кўзда тутилган тадбирларни ёритмайди", дейилади АBC, CBS, NBC, Fox News ва CNN'нинг қўшма баёнотида.
Мунтазам ротация доирасида CNN душанба, 21 сентябр куни асосий пул телеканали сифатида навбатчилик қилиши, яъни президент иштирокидаги тадбирларга ўз оператори, овоз режиссёри, продюсери ва мухбирини тақдим этиши керак эди. АҚШнинг бешта энг йирик канали бу ролда бир-бирини навбатма-навбат алмаштиради. Бироқ Оқ уйнинг душанба кунги матбуот тадбирлари жадвалида ҳеч бир телеканал асосий сифатида кўрсатилмади ва тегишли вазифаларни бажармади.
Дунёда атиги уч киши хорижга паспортсиз саёҳат қилиши мумкин
Муҳожирлар кетмоқда — Москва эса қайтишга чақирмоқда
Аманбай Оринбаевга генерал-майор унвони берилди
