“АҚШга ҳам ракеталар керак, Байден Украинага жуда кўп бериб юборган”

Доналд Трамп Украина раҳбарининг қурол-яроғ тақчиллиги ҳақидаги эътирозларига шундай жавоб берди.

Унинг айтишича, АҚШнинг ўзи ҳам ракеталарга муҳтож. Бунга эса Байден даврида Украинага катта миқдорда қурол етказиб берилгани сабаб бўлган.

Аввалроқ Зеленский Ғарб қурол етказиб беришни қисқартириш орқали Киевни музокараларга ундаётганини билдирган эди.

Бу орада CNN АҚШнинг ракета захиралари камайганини маълум қилди. Телеканалга кўра, Эрон билан можаро вақтида THAAD ракеталарининг қарийб 80 фоизи, Patriot ракеталарининг эса деярли ярми сарфлаб юборилган.