АҚШда икки оила 38 йил олдин иккита янги туғилган чақалоқни чалкиштириб юборганликда гумон қилинаётган касалхонага қарши судга даъво аризаси билан мурожаат қилишди.
Ушбу хато генеалогик ДНК тести туфайли аниқланган.
Маълумотларга кўра, Кайл Байлин ва Джереми Моррисон 1988 йил 26 январда Шимолий Дакота штатининг Графтон шаҳридаги Unity Medical Center тиббиёт марказида туғилган. Улар ўша куни касалхонада ягона чақалоқлар эди. Даъвогарларнинг таъкидлашича, ўғил болалар нотўғри ота-оналарга берилган ва 36 йилдан ортиқ вақт давомида бир-бирларининг биологик оилаларида тарбияланган.
Ҳақиқат Моррисоннинг холаси деб ҳисоблаган аёл ДНК тестини топширгандан сўнг ошкор бўлди. Натижалар Байлин унинг жияни эканлигини кўрсатди. Оилалар аллақачон биологик ўғиллари билан учрашишган, аммо эркакларнинг ўзлари ҳали учрашмаган.
"Менинг оиламда менга ўхшаган ҳеч ким йўқ эди. Мен қора сочли одамларга тўла оилада ажралиб турадиган сарғиш бола эдим", деди Моррисон.
Даъвогарлар суд ҳайъати томонидан суд қилинишини ва 50 000 доллардан ортиқ зарарни қоплашни талаб қилмоқдалар. Касалхона жавобгарликни рад этади ва даъвони бекор қилишни сўрайди, бошқа сабаблар қаторида даъво муддати тугаганини ҳам айтиб ўтади. Тиббиёт маркази шунингдек, 1988 йилги ҳужжатлар сақланмаганини ва ўша пайтда у ерда ишлаган ходимлар ишдан бўшаганини маълум қилди.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
