АҚШда ҳам Камчаткадаги зилзила туфайли цунами хавфи эълон қилинди

АҚШнинг Океан ва атмосфера тадқиқотлари миллий бошқармаси (NOAA) Камчаткадаги зилзила туфайли цунами хавфи ҳақида огоҳлантирди.

Бу ҳақда АҚШ Геология хизмати маълум қилди.

Унинг маълумотларига кўра, зилзила кучи 8 баллни ташкил қилган.

Аввалроқ сейсмологлар Петропавловск-Камчатскийдан 8,1 балли зилзила қайд этган эди, деб хабар берди Россия Фанлар академияси Геофизика хизмати Камчатка бўлими матбуот хизмати. Зилзила эпицентри вилоят марказидан 149 километр жануби-шарқда, 17 километр чуқурликда жойлашган.