АҚШда Доналд Трамп тасвирланган 1 долларлик танга муомалага чиқарилди

Ушбу танга Қўшма Штатлар мустақиллигининг 250 йиллигига бағишланган. У эсдалик учун эмас, балки кундалик фойдаланишга мўлжалланган. Тангаларнинг бир томонида АҚШнинг амалдаги президенти Доналд Трампнинг портрети ҳамда Либертй (Озодлик) ва Ин год wе труст (Биз Худога ишонамиз) ёзувлари бор. Иккинчи томонида эса қалқонида 250 рақами бўлган АҚШ президенти муҳрининг тасвири туширилган. АҚШ зарбхонасига кўра, бу тангалар мамлакат мустақиллигининг 250 йиллик юбилейида миллат руҳини, ғурурини ва меросини акс эттиради. Қўшма Штатларда деярли 100 йилдан бери тирик инсоннинг сурати валютага туширилмаган эди. Шу сабабли бу ҳолат кескин танқидларга сабаб бўлди. Чунки бундай шараф одатда фақат аллақачон вафот этган давлат арбобларига берилади.