АҚШ ва Хитой яна савдо уруши ёқасида

Доналд Трамп Хитойни тарифларни музлатиш бўйича келишувни бузганликда айблади ва Вашингтоннинг сабри тугаб қолганини айтди.

АҚШ президенти Доналд Трамп Хитойни тарифларни ўзаро тўхтатиб туриш бўйича келишувларни бузганликда айблади. У бу баёнотни жума куни Truth Social ижтимоий тармоғида эълон қилди.

"Хитой, баъзилар тахмин қилганидек, АҚШ билан келишувни бутунлай бузди. "Мен яхши одам бўлишдан чарчадим!", деб ёзган Трамп.

Америка етакчисига кўра, Пекин ўз мажбуриятларини бажармаган. Унинг нашрида келишувнинг аниқ қайси бандлари муҳокама қилинаётганига аниқлик киритилмаган.

Айни пайтда АҚШ молия вазири Скотт Бесцент Fox News телеканалига берган интервюсида Вашингтон ва Пекин ўртасидаги музокаралар боши берк кўчага кириб қолганини айтди. Унга кўра, бу вазиятдан чиқиш учун энг юқори даражадаги аралашув талаб этилади.

“Буни амалга ошириш учун Президент Доналд Трамп ва Президент Си Цзинпиннинг шахсий иштироки керак бўлади”, деди Бесцент.

Икки давлат ўртасидаги савдо алоқаларини барқарорлаштириш бўйича саъй-ҳаракатлар доирасида 12-май куни тарифларни оширишни тўхтатиш бўйича келишувга эришилган эди.

2 апрел куни Трамп қўшимча божлар жорий этилишини эълон қилганидан бери АҚШ ва Хитой ўртасида тарифлар бўйича можаро келиб чиқди. Бунга жавобан Хитой Америка товарларига тарифларни оширди.

Икки давлат ўртасидаги улуш Америка томонида 145 фоизга, Хитой томонида эса 125 фоизга етди.