АҚШ ва Украина фойдали қазилмалар бўйича битимни молия вазирликлари даражасида келишиб олди

"Бизнинг президентларимиз ҳукуматларнинг тегишли аъзоларига бу масалани охиригача етказиш ва якунлаш вазифасини юклади", — дея маълум қилди АҚШ давлат котиби Марко Рубио.

Рубио, шунингдек, Қўшма Штатлар ва Украина делегациялари Жиддада тинчлик бўйича музокаралар ўтказганини қўшимча қилди.

Украина президенти девони раҳбари Андрей Ермак ҳам музокаралар якунида Киев ва Вашингтон вакиллари нодир металлардан фойдаланиш бўйича битимни "имкон қадар тезроқ" тузишга келишиб олганликларини тасдиқлади.