АҚШ ва Исроилга ҲАМАС билан янги келишувни тайёрлаш учун бир неча ой керак бўлиши мумкин

Бу ҳақда The Jerusalem Post нашри маълум қилди.

Нашрга кўра, Трампнинг махсус вакили Стив Уиткофф исроиллик асирларнинг оилаларига ҳозирда Исроил ва АҚШ можарони якунлаш ва асирларни озод этиш бўйича келишув устида ишлаётганини маълум қилган.

Тhe Jerusalem Post'нинг қайд этишича, ҳозирги босқичда бу режани тақдим этиш режалаштирилганми ёки йўқми ҳамда у ҲАМАСга нисбатан ултиматумни ўз ичига олиши ҳали номаълум.

Шу билан бирга, газета хабарига кўра, ҲАМАС Исроил билан музокараларни давом эттириш учун дастлабки шарт сифатида кунига юзлаб гуманитар ёрдам юк машиналарининг Ғазо секторига киришига рухсат беришни талаб қилмоқда.