АҚШ ва Исроил Ғазодаги можарога барҳам бериш бўйича янги таклиф устида ишламоқда — Тhe New York Times

Газетанинг манбаларига таяниб хабар беришича, янги келишув ҲАМАСдан барча гаровдаги исроилликларни озод қилиш ва қуролсизланишни талаб қилади.

"Исроил бош вазири Бинямин Нетаняҳу ва АҚШ президенти Доналд Трамп ҲАМАСга ултиматум қўйишни ўз ичига олган янги таклиф устида ишламоқда. Ушбу таклиф, ҲАМАС томонидан гаровга олинганларнинг ҳаммасини озод этилиши, шунингдек, жанговар ҳаракатларнинг тўхтатилиши ва ҳаракатни қуролсизлантиришни назарда тутади. Бунинг эвазига Исроил фаластинлик маҳбусларни озод қилиши кўзда тутилган", дея ёзмоқда The New York Times.