Вашингтон ва Филиппин қўшинлари йиллик "Баликатан" ҳарбий машғулотлари доирасида Тайвандан атиги 160 километр узоқликда жойлашган Батанес провинциясида "NMESIS" кемаларга қарши ракета тизимини намойиш этди. Ушбу юқори ҳаракатчан мажмуа масофадан бошқариладиган бўлиб, 185 км масофадаги денгиз нишонларини ердан туриб уришга мўлжалланган. Ракета тизими Батанес оролига АҚШнинг C-130 транспорт самолётида олиб келинди.
Филиппин ҳарбийларининг таъкидлашича, бундан кўзланган мақсад — қурол-яроғларни чекка ҳудудларга тезкор жойлаштириш имкониятларини синовдан ўтказиш ва иттифоқчилар билан биргаликда ҳудудий мудофаани мустаҳкамлашдир. Машғулотлар якунлангач, тизим оролдан олиб чиқиб кетилади.
АҚШ қуролларининг ушбу ҳудудда пайдо бўлиши Пекиннинг кескин эътирозларига сабаб бўлмоқда. Хитой томони бундай ҳаракатларни минтақадаги кескинликни оширувчи ва мамлакатни қуршаб олишга қаратилган стратегиянинг бир қисми деб ҳисоблайди.
Таҳлилчиларнинг фикрича, "NMESIS" тизими Лусон бўғозида Хитой ҳарбий иштирокини тийиб турувчи муҳим омилга айланиши мумкин. Жорий йилги ҳарбий ўйинларда 17 000 дан ортиқ аскар иштирок этмоқда. Филиппин ҳукумати Тайван атрофидаги вазиятни диққат билан кузатмоқда ва низо келиб чиққан тақдирда ўз фуқароларини эвакуация қилиш режалари устида ишлаётганини маълум қилган.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
