Трампнинг иккинчи муддати “кўз ўнгимизда қулаяпти”

Financial Times хабарига кўра, Дональд Трампнинг рейтинги лавозимга киришганидан бери энг паст даражага тушган. Шу билан бирга, глобал нефть нархлари сўнгги тўрт йилдаги энг юқори кўрсаткичга етган.

Газета сўровида иштирок этган мутахассислар таъкидлашича, иқтисодий кўрсаткичлар Оқ уйнинг оптимистик баёнотларига мос келмаяпти.

Айрим республикачилар Трампни америкаликларнинг кундалик муаммоларидан узоқлашган деб ҳисобламоқда. Манбаларга кўра, унинг биринчи муддатида ёрдамчилари хатоларнинг олдини олишга ҳаракат қилган бўлса, ҳозир бу таъсир сезилмаяпти.

Президентлик тарихчиси Дуглас Бринкли эса: «Трампнинг иккинчи муддати кўз ўнгимизда қулаяпти», — дея баҳо берган ва у асосий сайловчилар қўллаб-қувватловини йўқотаётганини айтган.

Оқ уйга яқин собиқ амалдорлардан бири эса Трамп кўпроқ эътибор жалб қилиш учун баландпарвоз баёнотлар бериши, аммо маъмуриятда аниқ ва барқарор стратегия етишмаётганини таъкидлаган.