Трамп Эрондаги намойишчиларга қурол юборганми?

АҚШ президентининг айтишича, Вашингтон 2025 йил декабр – 2026 йил январ ойларида Эрондаги оммавий норозиликлар пайтида намойишчиларга қурол етказишга уринган.

Унинг сўзларига кўра, қурол етказиб бериш Ироқ Курдистонидаги курд гуруҳлари орқали амалга оширилган, бироқ қуроллар охирги манзилга етиб бормаган.

"Биз уларга жуда кўп қурол юбордик. Биз уни курдлар орқали жўнатдик. Менимча, курдлар уни ўзларида олиб қолишган. Мен бундан норозиман. Қуролларни олиб қолганлар бунинг учун катта товон тўлайди", — деди Доналд Трамп Оқ уйда журналистлар билан мулоқотда.