АҚШ ва Эрон вакиллари Уммонда Яқин Шарқ минтақасида кескинликнинг кучайишини камайтириш мақсадида билвосита музокаралар ўтказди, деб хабар беради Axios.
Музокараларда АҚШ президентининг Яқин Шарқ масалалари бўйича маслаҳатчиси Бретт Макгурк ва Эрон ишлари бўйича амалдаги элчи Абрам Пейли иштирок этди. Бу 2024 йил январидан буён илк бор бундай музокаралар. Америка вакиллари Уммон воситачилари билан учрашди.
Ушбу музокараларда Теҳронни ким вакил қилгани номаълум. Асосий мавзулар Исроил ва Ғазо секторидаги Хамас террорчилари ўртасидаги уруш фонида Яқин Шарқдаги вазият, шунингдек, Эрон ядро дастури бўлди.