АҚШ ўзини Украина бўйича музокралардан четга олиши ва Россия билан иқтисодий ҳамкорликни бошлаши мумкин

АҚШ ўзини Украина бўйича музокралардан четга олиши ва Россия билан иқтисодий ҳамкорликни бошлаши мумкин. Бу ҳақда The Guardian хабар берди.

Нашрнинг ёзишича, Европа етакчилари Трамп ва Путин ўртасидаги суҳбат натижаларини айнан шундай қабул қилишган.

"Сулҳга бир қадам ҳам яқинлашилмади, Қўшма Штатларнинг Россияга қарши янги санкциялар жорий қилиши эҳтимоли жудаям паст. Бундай шароитда Путин ўзини ғолиб деб ҳисоблайди ва ўт очишни тўхтатишни истамайди", деб ёзмоқда газета.

Шу билан бирга, Трамп маъмурияти "Улар ўзлари келишиб олишсин, бу бизнинг уруш эмас", деган фикрни билдирмоқда.

"Афтидан, Трампни фикридан қайтаришнинг иложи йўқ, энди Украинанинг ҳимояси бутунлай Европа Иттифоқи зиммасига тушади", деган хулосани келтиради The Guardian.