АҚШ Эрон билан ҳарбий тўқнашув юз берган тақдирда бетарафликни сақлаш, шунингдек, Сурия ҳаво ҳудудидан фойдаланишга тўсқинлик қилмаслик ҳақида Туркияга мурожаат қилиш масаласини ўрганмоқда. Бу ҳақда манбаларга таяниб, Туркиянинг "Hürriyet" газетаси хабар берди.
Нашр маълумотларига кўра, агар Америка-Эрон музокаралари барбод бўлса, бу масала Туркия ва АҚШ президентлари Эрдоған ва Трамп учрашувида кўтарилиши мумкин. Таъкидланишича, Анқара Исроилнинг Эронга эҳтимолий ҳужумидан ташвишда бўлишига қарамай, Туркияга ҳарбий операцияларга тўсқинлик қилмаслик ва можарога аралашмаслик таклиф этилиши кутилмоқда.
Бундан ташқари, газета хабар беришича, Трамп май ойида Саудия Арабистони, Қатар ва БАА ни ҳам қамраб олган Яқин Шарқ сафари доирасида Туркияга ташриф буюриши мумкин. Агар йўналиш ўзгарса, учрашув июнь ойида - Эрдоғаннинг АҚШга ташрифи пайтида ўтказилиши мумкин.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
"Реал"ни вақтинча ким бошқариши мумкинлиги маълум бўлди
Тож Маҳал бугунги кунда қурилганда у қанчага тушарди?
