АҚШ талабалар визасини олиш қоидаларини қийинлаштирмоқда

Оқ уй АҚШ элчихоналарида талабалар визалари учун янги суҳбатлар тайинлашни тўхтатди ва ариза берувчиларни ижтимоий тармоқларда текширувдан ўтказишни мажбурий қилиш имкониятини кўриб чиқмоқда.

Politico нашрининг хабар беришича, яқин кунларда бу борада алоҳида кўрсатмалар кутилмоқда. Аввал белгиланган суҳбатлар ўтказилиши мумкин.

Бироқ, ижтимоий тармоқлардаги текширув нимага қаратилгани ва у нималарни аниқлаши кераклиги ҳақида аниқлик йўқ. Агар маъмурият бу режани амалга оширса, бу талабалар визаси учун аризаларни кўриб чиқиш жараёнини сезиларли даражада секинлаштириб қўйиши мумкин.