АҚШ Сурияга қарши биринчи санкцияларни бекор қилди

АҚШ президенти маъмурияти Доналд Трампнинг ваъдасидан сўнг Сурияга қарши санкцияларни бекор қилиш бўйича илк қадамларни ташлади.

АҚШ Молия вазирлиги Сурияда илгари тақиқланган операцияларга расман рухсат берувчи умумий лицензия берди . Бу лицензия Сурияга нисбатан санкцияларни амалда бекор қилади.

Давлат котиби Марко Рубио: “Бугунги ҳаракат президентнинг Сурия ва Қўшма Штатлар ўртасидаги янги муносабатлар бўйича қарашларини амалга оширишдаги биринчи қадамдир”, деди.

Лицензия президент Аҳмад ал-Шара бошчилигидаги Сурия ҳукумати , шунингдек, марказий банк ва давлат корхоналари иштирокидаги операцияларни амалга ошириш имконини беради.