AҚШ суди Саудия Aрабистони валиаҳд шаҳзодаси Муҳаммад бин Салмонга қарши 2018 йилда Washington Post шарҳловчиси Жамол Қошиқчининг ўлдирилиши бўйича киритилган даъвони рад этди.
“Қарор AҚШ президенти маъмурияти томонидан шаҳзоданинг “дахлсизлиги”га ишора қилган тавсиясидан сўнг қабул қилинди”, деб хабар беради AXIOS.
“Суднинг хавотирига қарамай, бин Салмоннинг мавқеи ва унинг Қошиқчи қотиллигига алоқадорлиги ҳақидаги ишончли даъволарни ҳисобга олган ҳолда, Қўшма Штатлар судга унинг (халқаро) дахлсизлиги ҳақида маълум қилди”, дейилади ҳужжатда.
Бундан ташқари, худди шу иш бўйича валиаҳд шаҳзоданинг собиқ маслаҳатчиси Сауд ал-Қаҳтаний, шунингдек, Саудия Aрабистони разведка хизмати раҳбарининг собиқ ўринбосари Aҳмад ал-Aсирийга қарши даъволар ҳам рад этилди.
Судья "шахсий юрисдикция туфайли жиноий жавобгарликка тортиш учун ҳеч қандай асослар йўқлиги”га таянгани маълум қилинган.
Эслатиб ўтамиз, Washington Post газетаси шарҳловчиси Жамол Қошиқчи 2018 йилда Саудия Aрабистонининг Туркиядаги консуллигида ўлдирилган эди. AҚШ ва Туркия шаҳзода бин Салмонни журналистни ўлдиришга буйруқ берганликда айблаган эди.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
