Тhe New York Times нашрига кўра, демократ сенатор Жинн Шаҳин ва республикачи сенатор Лиза Мурковски келгуси икки йил давомида Украинага 54,6 миллиард доллар миқдорида ёрдам ажратишни назарда тутувчи қонун лойиҳасини Конгрессга киритган.
Қайд этилишича, ушбу маблағнинг учдан бир қисмини (18,2 млрд доллар) Россиянинг музлатилган активларидан олинадиган даромадлардан, шунингдек, Европа Иттифоқи давлатларига қурол сотишдан келадиган олинадиган фойда ҳисобидан молиялаштириш таклиф қилинмоқда.
Бундан ташқари, АҚШ кoмпаниялари томонидан Украинада нодир ер металларини қазиб олишдан кўриладиган фойдани ҳам бу дастурга йўналтириш режалаштирилган.
Қонун лойиҳаси нафақат ҳарбий ёрдамни, балки АҚШнинг ўз мудофаа захираларини тўлдиришни ҳам назарда тутади. Маблағларнинг асосий қисми Украинага юборилган қуроллар ўрнига янги қуролларни харид қилишга сарфланади. Шунингдек, бу қонун лойиҳаси АҚШ президентига Конгресс розилигисиз Украинага қурол етказиб беришга рухсат беради.
"Бироқ мазкур қонун лойиҳаси ҳозирда Сенат ва Конгрессда кўпчилик ўринга эга бўпган Республикачилар партияси томонидан қўллаб-қувватланмаслиги мумкин", дея ёзмоқда Тhe New York Times.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
