АҚШ Сенати Венесуэлага қарши ҳарбий ҳаракатларни тақиқловчи резолюцияни блоклади

АҚШ Сенати Венесуэлага қарши ҳарбий ҳаракатларни тақиқловчи резолюцияни блоклади — The Insider.

Резолюция овоз беришда кичик фарқ билан бекор қилинди. Ҳужжатда президент Доналд Трампга Конгресс розилигисиз Венесуэлага нисбатан янги ҳарбий ҳаракатларни амалга оширишни тақиқлаш назарда тутилган эди.

Ўтган ҳафта Сенат ушбу резолюцияни илгари суришни қўллаб овоз берган эди. Шундан сўнг, президент Трамп ҳужжатни маъқуллаган беш нафар Республикачи сенаторни кескин танқид қилгач улардан иккитаси фикрини ўзгартирди.

Резолюцияга қаршиларнинг таъкидлашича, уни қабул қилиш шарт эмас, чунки 3 январ куни Николас Мадуро қўлга олинганидан кейин Венесуела ҳудудида Қўшма Штатларнинг ҳарбий контингенти йўқ ва улар ҳарбий операциялар ўтказмаяпти. Ҳужжат тарафдорлари эса, АҚШ бир неча ой давомида Венесуэлани денгиздан тўсиб келаётганини ва Трамп ушбу мамлакатга янги ҳарбий ҳаракатлар билан таҳдид қилганини эслатган.