АҚШ президенти Дональд Трамп маъмурияти санкцияланган Россия банклари орқали чекланган транзакцияларни амалга оширишга рухсат берувчи умумий лицензияни янгиламади. Бу ҳақда Fox News Оқ уйдаги манбасига таяниб хабар берди.
Энди Россиянинг тўққизта молиявий институтига, жумладан ВЭБ, Сбербанк, ВТБ, Алфа-Банк ва бошқаларга нисбатан тўлиқ блокировка қилувчи санкциялар қўлланилди .
12 мартга қадар ушбу банкларга Россия энергия ресурсларини тўлаш билан боғлиқ доллар операцияларини амалга оширишга рухсат берилди. Бироқ Трампнинг лицензияни бекор қилиш қарори Европа давлатлари энди санкциялар таваккал қилмасдан Россия нефтини харид қила олмаслигини англатади.
Fox News манбасининг аниқлик киритишича , бу ҳаракат Вашингтоннинг Москвани Украинадаги урушни тугатишга мажбурлаш бўйича музокаралар стратегиясининг бир қисмидир. АҚШ Ғазначилиги январ ойида берилган лицензия муддати тугаганини ва бошқа ҳеч қандай имтиёзлар режалаштирилмаганини тасдиқлади.
Пайшанба куни молия вазири Скотт Бессент Қўшма Штатлар Москвага "максимал босим" ўтказишга тайёрлигини айтди. У Байден маъмуриятининг иқтисодий санкцияларини ўн балли шкала бўйича баҳолади, биринчи чекловлар “уч”, кейингиси эса “олтилик”. Тинчлик музокараларини яқинлаштириш учун у "ҳеч иккиланмасдан уларни "ўнга" оширишга" ваъда берди.
Канада АҚШга зарба берди
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
