АҚШ Россия, Хитой ва Эрон томонидан тарқатилаётган дезинформацияга қарши кураш бўйича Европа билан тузилган келишувларни бекор қилди — The Financial Times

Вашингтон Европа мамлакатларига Россия, Хитой ва Эрон каби давлатлардан келаётган дезинформацияга қарши курашда ҳамкорлик қилишдан воз кечганини маълум қилди, дея хабар бермоқда газета.

Қайд этилишича, ўтган ҳафта Европа давлатлари АҚШ Давлат департаментидан махсус хабар олган, унда Вашингтон ўтган йили Жо Байден маъмурияти даврида имзоланган ўзаро англашув меморандумларини бекор қилаётгани билдирилган. Ушбу меморандумлар хорижий ҳукуматлар томонидан тарқатилаётган, мамлакатлар ичида тартибсизликлар келтириб чиқаришга қаратилган зарарли маълумотларни аниқлаш ва фош этиш бўйича ягона ёндашув яратишни мақсад қилган эди.