АҚШга экспорт қилинадиган 1 кг олтин қуймалари янги божлар қўйиладиган товарлар қаторига киради ва бу дунёдаги энг йирик олтинни қайта ишлаш маркази ҳисобланган Швейцарияга зарба бўлиши мумкин.
Бу ҳақда Financial Times нашри хабар берди.
Нашр томонидан олинган АҚШ божхона ва чегара хизматининг 31 июлдаги буйруғига кўра, АҚШга экспорт қилиш учун мўлжалланган 1 кг ва 100 унсиялик олтин қуймалари божхона тўловлари тўланадиган божхона кодекси остида таснифланиши керак. Қайд этилишича, ушбу тартиб “саноатнинг аввалги тахминларидан кескин фарқ қилади”, унга кўра, бу турдаги олтин қуймалари бошқа божхона кодекси остида таснифланиши керак.
Financial Times эслатишича, 1 кг оғирликдаги қуймалар дунёдаги энг йирик олтин фьючерс бозори Comexда савдонинг энг кенг тарқалган шакли ҳисобланади. Божхона маълумотларига кўра, олтин Швейцариядан АҚШга экспорт қилинадиган асосий товарлар қаторига киради. Нашрнинг ёзишича, Вашингтоннинг бу қарори “жаҳон қимматбаҳо металлар бозорида инқилобга олиб келиши ва дунёдаги энг йирик олтинни қайта ишлаш маркази бўлган Швейцарияга янги зарба бериши мумкин”.
Бола ўғрилари ушланди
"Биздан Арманистон жанубини тортиб олишяпти, лекин буни ҳеч ким гапирмаяпти"
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
