Нашр Қўшма Штатлар президентининг махсус вакили Стив Уиткофф Москвага ташрифи чоғида Владимир Путинга тақдим этган таклифнинг тафсилотларини қўлга киритганини маълум қилди.
Оnet'нинг ёзишича, агар Кремл музокараларга рози бўлса, у “жуда кўп ютуқларни” қўлга киритади. Таклифдаги асосий бандлардан бири Украинанинг Россия томонидан босиб олинган ҳудудларини АҚШ томонидан тан олиш масаласини 49 ёки 99 йилга кечиктиришга розилик билдиришдир. Бу мазкур ҳудудлар устидан Москва назоратининг маълум муддатга тан олинишини англатади.
Шунингдек, Вашингтон Украина уруши сабаб Москвага қарши жорий этилган санкцияларнинг катта қисмини бекор қилишга ва энергетика соҳасида ҳамкорликни, хусусан, Россиядан нефт ва газ етказиб беришни тиклаш имкониятини кўриб чиқишга ваъда берган.
"Бироқ АҚШ таклифларида Украинада айнан ўт очишни тўхтатиш ҳақида сўз бормоқда, барқарор тинчлик ҳақида эмас. Шунингдек, Вашингтоннинг таклифлари орасида NATO'ни кенгайтирмаслик ёки Украинага ҳарбий ёрдамни тўхтатиш каби Россия “тинчликка тўсқинлик қилувчи” деб атаган талаблар келтирилмаган", дейилади Оnet хабарида.
Бола ўғрилари ушланди
Биз дунёдаги учинчи йирик иқтисодиётга айланаётган давлатмиз
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
