АҚШ президентлигига Республикачилар партиясидан номзод Никки Хейли WMUR-TV телеканалига берган интервьюсида Америка томони бошқа давлатлар, жумладан, Россия билан бирлашиши муҳимлигини айтди. Associated Press хабарига кўра, унинг сайловолди штаб-квартираси кейинчалик бу сўзларни нотўғри деб атаган.
“Кўряпсизми, Саудия Арабистони Хитой билан шартнома тузмоқда, бу биз учун яхши эмас. Биз улар билан бирга бўлишимиз керак, биз бошқа давлатлар билан - Россия, Австралия, Япония, Исроил билан бирлашишимиз керак ", деди Хейли.
Шундан сўнг, Хейли кампаниясининг вакили Кен Фарнасо "Бу мутлақо бемаънилик, у аниқ нотўғри гапирган", деди.