АҚШ президентининг махсус элчиси Кит Келлог Россия етакчиси Владимир Путиннинг Fox News телеканалидаги сўзлари тўғрилигини тан олди ва Украинада содир бўлаётган воқеаларни Россияга қарши прокси уруш деб атади.
"Путин буни НАТО давлатларининг прокси уруши деб ҳисоблайди. Очиғи, бу тўғри. Европа давлатлари кўрсатаётган ёрдамга қаранг. Путин эса буни кўриб турибди", - деди у.
Жума куни Келлогг ABC телеканалида Россиянинг НАТОнинг шарққа томон кенгайиши ҳақидаги хавотирларини мантиқий деб атади. Шунингдек, у Украинанинг альянсга қўшилиши АҚШ кун тартибида йўқлигини таъкидлаб, у Россия чегараларигача кенгайишни тўхтатиши мумкинлигини тан олди. Кремль махсус вакилнинг баёнотига ижобий жавоб бериб, Вашингтон Москванинг НАТО кенгайиши борасидаги хавотирларини тушунишини қайд этди.
Сўнгги пайтларда Ғарбда альянс ва Россия ўртасидаги тўғридан-тўғри қуролли можаро ҳақидаги ғоялар тобора кўпроқ айтилмоқда. НАТОнинг мамлакат чегаралари яқинида мисли кўрилмаган фаоллиги қайд этилган. Ҳарбий блок ўз ташаббусларини кенгайтирмоқда ва уни "Россия агрессиясини ушлаб туриш" деб атамоқда.
Исроил Туркиянинг қароридан безовта бўлмоқда
Ер тезроқ айлана бошлади – тадқиқот
Пул бор, ракета йўқ
