АҚШ “Олтин карта” дастурини жорий қилади – Доналд Трамп

Трампнинг сўзларига кўра, бу дастур орқали бой хорижликлар Қўшма Штатларга кўчиб келиб, фуқаролик олишлари мумкин бўлади.

"Бизда “грин карта” бор. Бу эса олтин карта. Биз бу картанинг нархини тахминан 5 миллион доллар этиб белгилаймиз. Бу сизга “грин карта” имтиёзларини беради, шунингдек, АҚШ фуқаролиги учун йўл очади. Бой одамлар ушбу картани сотиб олиб, мамлакатимизга келишади", – дея аниқлик киритди президент.

АҚШ Молия вазирлиги “олтин карта”ни сотиб олишга номзодлар синчковлик билан текширилишини маълум қилди.